Новости школы

Категории раздела

Поиск

Вход на сайт

Календарь

«  October 2022  »
SuMoTuWeThFrSa
      1
2345678
9101112131415
16171819202122
23242526272829
3031

Наш опрос

Rate my site
Всего ответов: 4

Статистика


Total online: 1
Guests: 1
Users: 0

Be soybe sıpə

Besoybe sıpə.
 ( Felyeton)

Çəmə kəy palu mebel sexi hıste.Ruji çə sexi soyb qle yolə  sıpəş varde çı sexi soədə dəvastışe. Im sıpə bə şəvon hıjo dərvedəbe, çəy dərvə  sədoku hıte nəznimon. Bə sexi hovoşi ( qərəvuləvon) votədəki çı sıpə qəvi bıqətənən ,əmə bə şəv rohət hıte zındənimon,  çı sexi soybi vəmon qəte votımone:
- Iştə sıpə qəvi bıqət, əv   bə şəvon vəşi mandedə, hıjo dərvedə , bəmə hıte doydəni.
İnsofən çı sexi soyb çə rujnəku bo sıpə harde vardışe, bə sexi hovuşi  aspardışe bə sıpə çok diə bıke.Çə rujnəku sıpə həni bə şəvon dərvedənıbe. Həftey dəvarde çəmə kuçədə bə şəvon inən sıpə dərvə sədo ome bino be. Dı hamsion beşimon bə kuçə vindımone ım dərvə sıpə kuçə sıpe. Əvımon tojnie, əmmo ım kuçə sıpə inən həftədə i kərə, dı kərə peydo bedəbe çəmə kuçədə, bino kardəbe bo dərve. Çı besoybə sıpə ozz çiçbe xındənıbimon.Çımı hamsiyə qədəli nevrozə odəme, hakane ıştə tiri piəti, əvoti :
- Az ım şanqo ım besoybə sıpə bəkıştım.
 Az bəy əvotim:- Çımı boli ,ısə navkonə vaxton ni tı kuçə sıpə bıkışti. Isə çımi soyb bə çəş çidəni əmmo tı əy bıkıştoş anədə bəy soyb beşəkəs bəbe, tı ıştə kəy bavatoşən orəxi əzıniş. Çoki ımeki ım besoybə sıpə omədə əmə ım sexədə bə yolə sıpə vademon çəy səpe. Im sexi sıpə çı kuçə sıpə nənə bəbovne.
Əmə jəğomonən karde , de sexi hovoşi qəpımon je, kuçə sıpə omədə sexi hovoş bəştə yolə sıpə qle tırkəş doe, qle tırkəş doe sexi sıpə ım kuçə sıpəş vırtı- poloş karde.
 Isə  çımı kali həmron bəvote ,
 " mavji Mamu bo nıvışte odəmə əhfolaton peydo karde zındəni , ovaştə çı sıponku nıvıştə". Əğər bı əhfolati çok fi bıdomon dəbərəsımon kali odəmon jimonən hıjo bəni ə sıpon jimone.  Şoyb bə odəmon bə ro varde bedə, vay bə odəmi ruji çə odəmi soyb nıbu,çoki - bebəci, həlol- həroməti , dust- deşmoni nızni, sıvo dərve dastəş heççi nıvoy. Jəğo odəmon bəni besoybə sıponin, bo  millətiən yolə dardin.

Şirəli Əlyar

06 Dec 2022 в 21.36.33
44
Добавил ruslantalish7
Оценок нет
Комментариев нет
avatar

Официальный сайт школы №17, создано в 2016 году. .

Разработано в Divine Draft