Новости школы

Категории раздела

Поиск

Вход на сайт

Календарь

«  August 2022  »
SuMoTuWeThFrSa
 123456
78910111213
14151617181920
21222324252627
28293031

Наш опрос

Rate my site
Всего ответов: 4

Статистика


Total online: 2
Guests: 2
Users: 0

Bo Tolışon əvəcor omə

Bo Tolışon əvəcor omə.

Çəmə tolışə şairon bə tolışi şeir nıvışdən, ənvışdon hekoyə, nəğl, roman nıvışdən, vəyondə muğənnion bə tolışi mahne handən,aktiyron kino,təmşo kəştən.Rujnomon , kitobon çap bedə, internetdə tolışə tv-on rujbəruj vey bedə və azən şo bedəm. Roste , çəmə orzon veye, və bobə kardəmki tolışon rə- di bəştə məğsədon; ıştə mədəniyəti, ıştə tarixi, ıştə sosial jimoni soyb bəbin.Əmmo vey təsufki çəmə kali tolışə bolion bımi şək vardən, tarsovəti kardən, hətto bəmə şər qandedən, çəmə həxədə nəloyiğə qəpon jeydən.Bı nezondə dımı dı sor həmroəti kardə tolışə boli mınış blok kardışe və peşo bəmı votışone "ıştı həmro ...dumu tı qəvisə oməy votdə".Çiç bıvotım, Xıdo çəy coni səlomət bıko, Xıdo bəy ağıl bıdo.

Az hələ lap əğıl bım, hələ bə məktəb şedənıbım.Əvəsor oməbe, əmmo inən voə voydəbe, həvoən sard be.Çımı bo Camal çı əvəsoriku şeir handəbe.Bə Camal bolim votıme:

- Boli,hıjo votdəş; əvəsor omə, əvəsor omə.Həvo sard, voən voydə, kıve əvəsor?

Camal boli votışe:- Iştə çəşon okə, bə zəmini çok- çoki diə bıkə.Zəmində havzuə çimənon rost bən, dı diğğəti diə bıkoş aləvə zizonən bəvindış. Im zizon çı əvəsori omeku xəbə doydə.

Az bə havzuə çiməni çok-çoki diə kardıme və bə rosti aləvon arədə sıpiə,zardə zizinom vinde..

Çımı Tolışə boon, hovon boənən sosial şəbəkondə bə i yəndı pəl şomədəmon, bə i yəndı peşt bıbuəmon. Az jığo sərəsdəm çəmə kişvərdə bo tolışon əvəsor omə.Hakanə sardə kulokən bıboən, hakane çı osmondə voən rubu inən əvəsori bu omedə.Tolışon rə- di ıştə huğuğon bərpa bakan.

21.08.2020.

 

29 Sep 2022 в 11.49.36
29
Добавил ruslantalish7
Оценок нет
Теги: CASPİ1.ORG
Комментариев нет
avatar

Официальный сайт школы №17, создано в 2016 году. .

Разработано в Divine Draft