Ə ÇAŞON

Ə ÇAŞON

Çune şedəm, odyəsedən bəsə mı,

Bomı qıləy, xunxar bedən ə çaşon!

İ qəmədə, pemandedən tosə mı,

Mısə bənə həşi emdən ə çaşon!

Dıqlə dıyoy, ləpə jəydən nığılin,

Çəvon ləpon, bənə şinə nəğılin,

Bo con səyro,jıqom zınəy əvonin,

İzohil ben, mısə omdən ə çaşon!

Siyo mijəy, siyo çaşe siyo bəv,

Sute-sute evoşındən, doydə təv,

Hejo şine bı dınyosə ijən əv,

Bo con səyro, hozı mandən ə çaşon!

Odyəsyədə, odəmisə vəşedən,

Jıqo nozi, bə məlaykon oşedən,

Hejo vitdən mıni cali haştedən,

Bılbılin bo, vıli handən ə çaşon!

Babulla Hüseynzadə.