Новости школы

Корзина

Ваша корзина пуста

Поиск

Вход на сайт

Календарь

«  May 2021  »
SuMoTuWeThFrSa
      1
2345678
9101112131415
16171819202122
23242526272829
3031

Наш опрос

Rate my site
Всего ответов: 4

Статистика


Total online: 1
Guests: 1
Users: 0

Etud- təmşo. ( Xotirə)

Etud- təmşo.

( Xotirə)

1977- inə sori maya manqədə mınışon bə Ərəsi Udmurtiyə maholi bə Qlazov şəhəri bo əskərəti kardero bardışone.Hələ manqi nimbe əskərəti kardedəbim, çımı əskərəti rohət şedəbe, az pisarəti ( rəssom) kardedəbim.Çiçikube zındənıbim kali-kali kanə əskəron ( starikon) dımi bə ro şedənıbim, çımı kazarmadə mande, çımı əziyyət nıkəşe bəvon xəş omdənıbe.Ruji çəmə diviziyə komandir Rusanov mınış vanq karde bəştə çeşmə ,bəmı votışe:

-Ağayev, ıştı, hərbi bilətdə nıvışdəbə, tı aktioriş. Çəmə maştə yolə iclasımon bəbe, peşo iclosi çı şəhəriku omə muzikanton konsertən bəbe.Tı çəmə diviziyə nomədə səhnədə çiçsə nuşo doy bəzış?

Az bəvədə urusi hələ tojə-tojə umutedebim, əmmo "ney" nıvotıme, votıme:

-Bəmı çəmə azəri millətdəbə qle əskər bıdənən, tobə maşkinə konserti az dəy məşq bıkəm.Az bo konsertı bə muharibə oid qle etud-təmşo hozzo bakam.

Rozi bin, az dı Novruzov fəmilədə bə əskəri qle etut -təmşo hozzomon karde.Etud- təmşo, yəni be qəpə təmşo, təmşo əncəx dı hərəkəton bedə.Maştənə ruji diviziyə yolə zalədə peşo iclosi kənsert binobe.Zal dı zabiton, dı əskəron purbe, teylə vırə nıbe.Çəmə nubə ome,az bə səhnə beşim.Çımı hozzo kardə təmşo jığo be:

Az çı qle kəşfiyatçı rolədə bə səhnə beşim, jığo-jəğo diə kardəm,peşo dı radio xəbə doydəbim.Bı vaxt Novruzov nemışi formədə, dı avtomat dəşedə bə səhnə. Az rə dı tapancə əy jeydəm, əv qınedə bə zəmin mardə. Və az çı pencəku ıştəni şodoəda gullə sədon omeyde, az bə zəmin qınedəm,Səhnədə az jığo bə zəmin qınedəm ki, çımı sə çı səhnədə bəyji elaşqedə.

Əmə ım təmşomon nuşo doe.Çımı sə hələ səhnəku bəyji elaşqəbe, az lıvedənıbim.Vote bəbeki zal mot bəbe və ikkərədə bərkəde dastəğə sədon rostbe.Dviziyə komandir Rusanov vədə nışdəbe, eşte səpo ,ome mınış rost kardışe.Çəy çəşon dı asti purbe,mınış bə vanqo qətışe.Zaləde dastəğə sədon bə kam bedənıbe..Həminə ruji bəmı fəxri fərman doşone..

Çə rujnəku həmmə əskəron dımı həmro bın. Starikon qlə-qlə bəmı əvotin; "Ki bəştı xoto bıqıno bəmı bıvotiş"...

Bəmı jığo omeydə yolə dardon odəmon bə iyəndı nez kardə.

Şirəli Əlyar

15 Jun 2021 в 04.30.54
62
Добавил ruslantalish7
Оценок нет
Теги: Şirəli Əlyar
Комментариев нет
avatar

Официальный сайт школы №17, создано в 2016 году. .

Разработано в Divine Draft