Ğıbonon ğəbul bıbo...

Ğıbonon ğəbul bıbo...

Ğıbonon ğıbul bıbo,İdon hejo bud bıbo!

Orzuon bə jimon dəşo,niyəton labud bıbo!

Rostə amədə nıştə Harut nızno dincəti,

Beko mandə,ğo kardə mələksə Marut bıbo !

Bə hədərə sıxani ki bakay ısə bovə?

Əməl dəftəri bə çəş dənə ki,subut bıbo!

Nufuz,hurmət,ləyoğət omedəni çe həvo,

Sa mərtəbə bənəvış ,ğədəmı sabit bıbo!

Mərhəmətin bıbomon,bahamon nun,bəjiemon!

Bəkəşımon rənc, əqəm ,dılədə burut bıbo!

Ğıbon rəhmi,rəhmdori təntənə ruje,ide!

Qırd muşkulon həll karde mumkune umud bıbo !

Dastbədastımon doe,bərljnemon bandi- ku,

Şe əznimon ro i ğəm,dılədə mırıt bıbo!

İnom,əğidə əfzəl bə məxsədi rəsero!

Dışmen bəvite dərhol dastədəm əmud bıbo!

Parəkəndə milləti,Cəmol,Ğlbon i kardə,

Volo bəbe zulmi kə ,ğıvvəmon vahid bıbo!

Camal Lələzoa