Ki roste, ki çəpədə...
Ki roste, ki çəpədə...
Bəbıri jəje nırrə,
Neçi nəvə təpədə.
Zuzey ım ruj məsdənim
Nıredən qəp-qəpədə.
Haymon qıləy japədə,
Im şup, əvən şapədə.
Poə dəfırsə YAP-ədə
Lələn¹ ısət HƏP-ədə.
Im votdə əv kəloşe,
Əv votdə ım sədoje.
Tolış har co tolışe,
Boy nıbəmon ləp²ədə.
Bəbır həni nıredə,
Vanqıj quşon bıredə
Ki bə təmşoy, sıredə,
Kiyən quya tıpedə. (?)
Çəmə çokə ruj bome,
Ə ruj bı rəy tuş bome.
Amid TT cuş bome,
Şoy-şoy bəka repədə.
Aşiş bən qədə-qədə,
Ve konin çəmə vədə.
Torixe nuşo ədə,
Ki roste, ki çəpədə!
19.01.2022
¹Lələ - boli
²Ləp - top
caspi1.org
Комментариев нет
