MƏNİ DƏ AL ÖLÜMDƏN

MƏNİ DƏ AL ÖLÜMDƏN

Hər gün keçib gedirsən,

Ayrılığın yolundan.

Saatına yaxşı bax,

Heç çıxarma qolundan.

Maşının da bu yolun

Havasına öyrəşıb.

Təkərləri bu yolun

Vəfasına öyrəşib.

Maşınını asta sür,

Sinəmdən bir nam alsın.

İşıqforumda bir dur,

Ürəyim bir kam alsın.

Ayrılığı aldatmaq

Gəlməz mənim əlimdən.

Maşınını ona ver,

Məni də al ölümdən.

XANLAR HƏMİD. 21. 04. 2022