BƏDİM   İSƏ  
            (təcnis) 

Ne,  həni  nez  məvo  bəmı,
Detı  həni  bədim,  ısə.
Ki  diyə  kay  jəqo  bətı?
Çaşi  ləkəj  bə  dimisə.

Çı  taleku  sard  bəm  həni,
Zilə  sədom  bə  bəm  həni.
Hiç  ki  ənə  mı  bəməni,
Dard-ğəm  qardə  bədu  mısə.

“De  əğyari  i  sırədəy”---     
Ve  votjone: “Əv  sırə  deəy”.
Vot-vot  tıku  ha  sırr  ədəy,
Sırron  beşin  bə  dim,  ısə.

Botım  qətə  voş  jıqoşəy,
Tanbəkardem,  az,  jıqo  şəy.
“Boçij  kardə  rık   jıqoş  əy”?---
Məvot,  məvo  bə  di,  mısə.

Zınedəbim  az  dust  tıni,
Nərimanim,  rost,  duz  tıni.
Votem,  ğəyrəz   mı  dustı  ni,
Iştən  varde  bədi  mısə.
 
        Nariman Tolishi   

1999.