Новости школы

Категории раздела

Поиск

Вход на сайт

Календарь

«  July 2022  »
SuMoTuWeThFrSa
     12
3456789
10111213141516
17181920212223
24252627282930
31

Наш опрос

Rate my site
Всего ответов: 4

Статистика


Total online: 2
Guests: 2
Users: 0

Rujnomon

Rujnomon.

( Felyeton)

Pidəm nıbe ım əhfolati bınvışdım, tobə ə vaxtiki az çı "Gəncə təndiri" dukonədə tatə tənuə nun se vaxti. Saraydə ım dukoni nomi vindədə ve vaxt çımı xuni təziq ziod bedə, çumçeko tənu çı tolışi tənu, nuni patskəson tolışon, əmmo çı dukoni nom "Talış təndiri" ne, "Gəncə təndiri"e. Im ruj maştə- maştə bı dukonədə tənuə nun sədə çiç bıvindom çoke ? Tənuə nun ve vaxt bə rujnomə ( qəzet) qulul kardən, əmo ımrujnə rujnomə lap tojə çı çapo beşə rujnomə be. Rujnoməku çı nəşriyati bu bəsə tojə tənuə nuni bu ve omedəbe. Bə rujnomə beşə tarixi diəm karde. Vindıme , " vuyy nənə" ım rujnomə ımrujnə rujnome, 2 saat bə nav çı sapo beşə. Az ve vaxtbe çı iqtidari rujnomon handənıbım, sıxani rosti hiç çı muxalifi rujnomonən handənim,çumçero çəvon nıvışdeyon əncəx tərif, muçəkədə fil soxte, dıvuə tarix nıvışde, yalağəti karde, befərə həkimon reklam karde, çı kişvəri qədimə milləton mədəniyəti, ədəbiyati bə co milləti nom nıvışdeye. Mılxəs, az dı tata tənue nuni bəkə ome- ome ıştən bəştə pars doydəbim, "çəmə həmmə koon boçi jığo tərs şedə? Tənu çı tolışə milləti mədəni atribut, tənuə nunən çı tolışi kiəxonə ən barzə bərəkət, nuni patəkəson tolışə moynonin.Əmo çı mılləti mədəni, məisət sərvəton bə co milləti nomi bulmə kardən."

Az kədə bə nuni qulul kardəbə rujnomə nəzə dənome, bə navnəninə səhifon diəm nıkarde , oxonə səhifəm hande binom karde . Xəbə bəsdon, boçi bə oxone səhifəm diəm karde ?

Bı nezondə çımı həmro şair Şahin Həmidli tojə kitobi təqdimatdə bim. Təqdimatdə çımı bələd bə və bələd nıbə xəyli şair, ənvışt hısdebe. Təqdimat məclisi "Yurd" jurnali sər rədaktor, şair Balayar Sadiq bardəbe. Məclis ve marağin şedəbe.Aradə Balayar muəllim çımıku parse:

- Oxonə vaxton bə jurnal boçi ıştə yazondə vığandəniş? Iştı nıvışdə hekayon, feletonon bə çəşim.

Pime sıxani rosti bıvotom, əmmo bə məclisi diəm karde, xəcolətım kəşe, çıko bıvotom ki, az fəhlə ko kardəm, ıştə harde dı əzobi qəzənc kardəm.Səveti vaxtondə rujnomə, jurnal bə ənvişdon qənarar ədey, ısə koon tərsinə bə; rujnomə, jurnal ənvışdonku qənarar sedə.Əveki bəhanəm varde, votıme:

- Balayar muəllim, ve səğ bıbuənən, bəçımı nıvışdeyon moliət doydon, əmmo zındənim boçi çımı nıvışdeyon jurnali navunə səhifondə ne, oxonəminə, jurnali dumunə səhifondə çap kardedon.Məğər az ve zəif nıvışdəm ?

Balayar muəllim votışe:

- Hurmətinə Şirəli ,çı rujnomon, çı jurnalon qaydon jığoe, navdənə səhifondə çı hukuməti siasətiku, çı vətənpərvərərətiku nıvışdeyon çap bedə, eşğ, məhəbbət, satira , yumor dumunə səhifondə bə əhandon edaşdə bedə.

Bı vaxt çımı palu nıştə şair Şərafətdin İlkin dimış qəte bəmı, votışe:

- Əlyar mamu, tı hiç fi məkə, xəlx həni kitobi, rujnomon, jurnalon və səhifon handəni. Handəkəsonən çı dumuku bino kardən hande. Çumçeko ən çokə ofəyomonon rujnomə, jurnalon dumunə səhifondə bedə. Tı sa faiz bızın jurnali bə das səkəs iminə ıştı nıvışdeyon bahande .

Çı Şərəfətdini sıxandə həx ve be, əveki azən çə rujnəku rujnomon çı dumu handedəm.

04.07.2022.Saray.

Bir 4 nəfər və oturan insanlar şəkili ola bilər

 

17 Aug 2022 в 03.45.33
31
Добавил ruslantalish7
Оценок нет
Теги: CASPİ1.ORG
Комментариев нет
avatar

Официальный сайт школы №17, создано в 2016 году. .

Разработано в Divine Draft