Новости школы

Корзина

Ваша корзина пуста

Поиск

Вход на сайт

Календарь

«  January 2022  »
SuMoTuWeThFrSa
      1
2345678
9101112131415
16171819202122
23242526272829
3031

Наш опрос

Rate my site
Всего ответов: 4

Статистика


Total online: 1
Guests: 1
Users: 0

Xosə Tolış, ğıymət bınə bəştə nomi

Xosə Tolış, ğıymət bınə bəştə nomi

Erəxedəm bə Vətəni, hey sutedəm bə çəy holi,

Boçi millət ğəd noydəni bəştə eli, bı məholi.

Dəvardəyon bə i tərəf, bo vəomə debəboli,

Berəğ-rişə yol bedəmon, ni bedəmon de şemoni,

Xosə Tolış, ğıymət bınə bəştə nomi, bı jimoni.

In band tıniş, vişə tıniş, Kaspi tıniş, Mığon tıniş;

Çı Zərdusti vəşə otəş, Bəzzi ğələ sığon tıniş;

Atropoti viron mandə məmləkəti reğon tıniş.

Bə yod biyə ıştə zinə tarixı hest dınyo qoni,

Xosə Tolış, ğıymət bınə bəştə nomi, bı jimoni.

Çanə oxo aşiş bəbeş, çanə oxo lol bəmandeş?

Iştı toon rəsən, ho bən, çanədə tı kol bamandeş?

Kəynə bəştə soyb bebəşeş, çanədə beyol bəmandeş?

Bıvot, bıznım, çəşkardedəş oxo tınən kon zəmoni?

Xosə Tolış, ğıymət bınə bəştə nomi, bı jimoni.

Imruj nıkoş bə maşkinə çanə heste tıku bovə,

Tov bahardeş çanə bımi, bo həxiro bakaş lovə?

Edyəs qədəy milləti ruj şe-şe bedə bevəc, yavə;

Volo bıkə şəri kəybon, mədə mutəy bəy əmoni,

Xosə Tolış, ğıymət bınə bəştə nomi, bı jimoni.

Hiç zınedəş, quşbəroye çanə inson ıştı vanqi?

Sədo bekə, Həx detıne, berəx həni şəri çanqi.

Tı Popoki nəvəş, bızın, nıbəviteş, əve, canqi;

Şəğolonku təmiz bıkə çı pələnqon zəmin, loni.

Xosə Tolış, ğıymət bınə bəştə nomi, bı jimoni.

Aqşin boli, hodi bıkə çı otəşi səbəbiş tı,

Qıləy həşiş, qıləy ruşnəş, hiçki nızni sə bəbeş tı.

Isət coyliş, vəş bəqəteş, bəvindeş ki, sa bəbeş tı.

Deştə zilon bətosponeş vıjə-vijə sərzəmini,

Xosə Tolış, ğıymət bınə bəştə nomi, bı jimoni.

Aqşin Tarıxi

22 Jan 2022 в 09.08.27
23
Добавил ruslantalish7
Оценок нет
Теги: Aqşin Tarıxi
Комментариев нет
avatar

Официальный сайт школы №17, создано в 2016 году. .

Разработано в Divine Draft